Kasualitatez izan zen Ikasblogak09-ra joatearena. Ikastolako lankide batzuk bazihoazela jakin nuen eta ni ere animatu nintzen. Plastikozko karpeta bat hartu eta nire "pen" beltzarekin Erandiorantza zuzendu nintzen, zerbait ikasteko asmoz.
Esan beharra dago nire lankideak oso jantziak daudela blog munduan, ni ordea, hasi berria naiz, hala eta guztiz ere, gutariko inork ez genuen aparteko tresneriarik eraman.
Adinez berrogeita...hasi gara eta ikusmena, entzumena, ukimena... enfin, dena hasi zaigu okertzen, horregatik lehenengo eserlekuetan (horrela deitu ahal bazaie) kokatu ginen harriak baino gogorragoak ziren horietan. Ez dut kritikatu nahi, baina kontuan hartu behar da jardunaldi osoa bertan emateko ez zirela erosoenak. Bat-batean norbaitek galdetu zigun twiteatzeko asmorik bagenuen, nik nire "pen" beltzarekin ezetz esan nion.
Beno, harira, gauza da lehenengo emanaldia hasi bezain pronto flashak han-hemenka hasi zitzaizkiela hizlariei, munduko aktoresa famatuenak balira, inguruan dozenaka paparazzi dantzan zituztela . Zer esanik ez dago, guri ere argazki bat baino gehiago egin zigutela, gogoratu lehenengo jarlekuetan eseri ginela.
Hori gutxi balitz, entzulegoaren artean, oraindik ordenagailua zorratik atera gabe zuena animatu zen, eta tekleatzeari ekin zion, all together now, (Beatles). Baina gauza ez da hemen amaitzen. Nire alboan bideo kamara bat zegoen tripode sendo baten gainean; "vip"-en mahaian ere bi edo hiru ordenagailu, argazki kamerak eta ez dakit ur botilarik bazegoen kableen artean izkutaturik edo nire aluzinazio bat izango zen. Denok ordenagailuen aurrean buru belarri. Eta ni hor nengoen nire "pen"(ez driver) beltzarekin... buzoia baina zabalagoa nire ahoa irekian.
Las ponencias bien gracias...
No hay comentarios:
Publicar un comentario