(argazkia: berta martinez)Bada aste bete Edublogen 4. topaketari amaiera eman zitzaiola, baina arima oraindik estututa daukat ekitaldiak utzitako bihotz-zirraraz. Begiak itxi, eta jardunaldien irudi eta ohiartzun asko etortzen zaizkit burura, pucha kucha eran: burmuinean neurokonektoreak bor-bor, bihotzean taupadak ehunera; urduri nabil azken boladan nire emozioak azaltzeko nahian... patxadaz aztertu beharra daukat odolean sartu didaten pozoina.
Asko dira mundu honetan zerbait interesgarria esateko daukatena, eta horrela egin dute lagun batzuk hiru jardunaldi hauen zehar agudeziaz, trebeziaz, garraz eta eskuzabaltasunez sortutako giroan. Ezinhobeak izan dira ekintza guztiak: berrien mahai-ingurua, tailerrak, twitterra... Baina miresgarriena "comunicaciones" deritzon atala izan da; hizlariek 15 minututan laburtu behar baitzuten hilabete edo urteetan egindako lana, sintesi gaitasuna itzela erakutsiz.
Ezin dut amaitu Boris Mirren hitzaldia aipatu gabe. Errezpetu handiz eta umore fina ukitu batez mintzatu da ikasketa-prozesua izan behar denaz; ikt-z edo ikt-rik gabe, gelan gogoetak egiteko giroa sortu behar dugula argi utzi digu. Pedagogiaren mago honek bere barretinatik dragoiak, untxi bitziak edo astronautak ateratzeaz gain, gogoeta sakona egiteko gure barnekoa ere aztindu digu.
Bukatzeko zoriondu nahi ditut mimo handiz prestatu duten ekintza honen antolatzaileak, primeran, segundan eta terceran egin baitute.
